Esta semana rematamos o proxecto dos dinosaurios, do que disfrutamos un montón e co que aprendimos moito! Os peques levaron as súas maletiñas de paleontólogos/as para compartir coas familias todas as súas novas aprendizaxes.
Agora toca investigar sobre outro tema, decidiron que querían aprender cousiñas sobre o espazo, universo, planetas, estrelas... Así que comezamos! Grazas ás familias pola vosa colaboración!
Esta semana celebramos o aniversario de Ángela. Na caixiña trouxo catro cousas que para ela son moi importantes.
Ángela trouxo dous cans de peluche porque é unha namorada dos cans, encántanlle! Ademais un deles regaloullo o seu papá!
Tamén trouxo un pingüino que llo trouxo súa irmá de Portugal.
E por último ensinounos un polvo que lle regalou a súa avoa.
E como sempre, celebramos a súa sexta volta ao redor do sol seguindo a celebración Montessori. Cantámoslle en galego, castelán e inglés! E despois dímoslle uns agasallos que lle fixemos con moito moito cariño! Aquí vos deixamos un pequeno vídeo do ben que o pasamos!
Celebramos o primeiro aniversario do 2022 a semana pasada, o de Isabela. Na caixiña trouxo catro cousas que para ela son moi importantes.
Isabela ensinounos un collar que lle regalou a súa avoa ao que lle ten moito cariño.
Ensinounos tamén un estuche de maquillaxe, xa que lle gusta moito maquillarse e disfrazarse.
Isabela ten un oso de peluche ao que lle ten moito cariño e co que lle gusta xogar.
Tamén trouxo un "móvil" porque di que lle encantan.
E como sempre, celebramos a súa sexta volta ao redor do sol seguindo a celebración Montessori. Cantámoslle en galego, castelán e inglés! E despois dímoslle uns agasallos que lle fixemos con moito moito cariño! Aquí vos deixamos un pequeno vídeo do ben que o pasamos!
Seguindo coas instalacións artísticas baseadas no conto De que cor é un
bico? Esta vez foi o branco o protagonista xa que estamos na estación branca!
